A+ A A-


Чым цяпер займаецца Анатоль Лябедзька?

Оцените материал
(12 голосов)

Былы старшыня Аб’яднанай грамадзянскай партыі Анатоль Лябедзька распавёў пра сваё жыццё пасля таго, як пакінуў пасаду старшыні.


Нагадаем, 8 ліпеня на з'ездзе Аб’яднанай грамадзянскай партыі быў абраны новы старшыня. На змену Анатолю Лябедзьку, які кіраваў АГП 18 гадоў, прыйшоў яго намеснік Васіль Палякоў.

– Хацелася б, натуральна, адпачыць, але не атрымліваецца, – паведаміў Анатоль Лябедзка ў інтервью Радыё Рацыя. – Зараз, напрыклад, рыхтуем футбольны турнір – “Кубак свабоды” імя Генадзя Карпенкі. На вялікі жаль, не спраўджваюцца мае прагнозы, што пасля сыходу з пасады старшыні партыі будзе больш вольнага часу.

– У партыі ў вас засталася нейкая пасада?

– Не засталася, хаця кантакты я ні з кім не згубіў.

– З далейшымі планамі пакуль не вызначыліся?

– Я ўжо казаў, што нейкі запасны аэрадром я сабе адмыслова не будаваў, бо не такі ў мяне стыль жыцця. Але ідэі ёсць. Калі ў чалавека маюцца ідэі, значыць ён жыве. Праўда, не заўсёды іх можна рэалізаваць, але без ідэй чалавек проста пераўтвараецца ў закамянелую істоту. Таму паспрабую зрабіць тое, што задумаў. І ў той жа час трэба сказаць: у партыі ведаюць, што я знаходжуся ў крокавай дасягальнасці, таму пры жаданні я магу кансультаваць былых аднапартыйцаў і нешта ім раіць. Тут няма ніякіх праблем і пытанняў. Але разам з тым мне хацелася б сябе рэалізаваць і ў нечым іншым, непалітычным.

 

 

Апошнія навіны

Архіў навінаў

Рассылка

      

Design © WKN.BY | All rights reserved.